türkiye baydinning 1915 - yil weqeliri toghrisidiki sözlirige qattiq naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqining «1915- yil weqeliri heqqidiki tarixiy pakit we xelqara qanunlargha mas kelmeydighan bayanlarning ehmiyiti yoq» dégen ibarilerge orun bérilgen bayanatida: «bu, amérika pirézidénti baydinning 2021 – yili sadir qilghan xataliqining qaytilinishi mahiyitidiki epsuslinarliq bayanatinimu öz ichige alidu. biz siyasiy muddialargha asasen tarixiy pakitlarni burmilaydighan bu xil bayanat we qararlarni ret qilimiz, bu xataliqta ching turghuchilarni eyibleymiz» déyildi.

bayanatta yene: «tarixtin düshmen peyda qilishtin bashqa ishqa yarimaydighan bir tereplime, shundaqla tallash usuligha tayanghan pozitsiyeler exlaqiy jehettin saqliniwatqan mesile bolsa, siyasiy nuqtidin yaman gherezlik ishlardur. insaniy we wijdaniy pozitsiye milliy yaki diniy tewelikining qandaq bolushidin qetiynezer, shu dewrde yüz bergen barliq azab – uqubetlerni xatirileshni telep qilidu. türkiye ermenlerni öz ichige alghan pütkül osmanli xelqining azab – uqubetlirini hörmet bilen xatirilimekte. biz bu azab – uqubetlerni siyasiy matagha aylandurush urunushlirini ret qilimiz. türkiye, 1915 – yil weqelirige oxshash tarixning detalashliq dewrlirini bir tereplime qarashlardin xaliy halda ilmiy we qanuniy pirinsiplar dairiside tekshürüp, heqiqetni tépip chiqish terepdaridur. bu chüshenche bilen türkiye, birleshme tarix komitéti qurushni otturigha qoydi we arxiplirini achti. türkiye öz rayoni we dunyada tinchliq we muqimliqning hökümran bolushigha kapaletlik qilish üchün tirishchanliq körsetmekte. erméniye bilen bolghan munasiwetlerni normallashturush teshebbusimu mezkur chüshenchining yene bir ipadisidur» dégen ibarilerge orun bérildi.