erdoghan awstriye bash ministiri bilen téléfonlashti
jumhur reis rejep tayyip erdoghan awstriye bash ministiri karl néhammér bilen téléfonda körüshti.
türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, téléfon söhbitide, 24 – féwraldin buyan dawamlishiwatqan rusiye – ukraina urushini öz ichige alghan rayonluq özgirishler we türkiye – awstriye munasiwetliri heqqide muzakire élip bérilghan.
jumhur reis erdoghan ukrainadiki urushta insaniy tiragédiyege xatime bérish we urush toxtitishni ishqa ashurush yolida pursetni ching tutush, tinchliq söhbitining ilgiri sürülüshi üchün istanbul musapisini qollash kéreklikini otturigha qoyghan.
kirizisni tinch yol bilen hel qilish yolida dawamliq tirishchanliq körsitidighanliqlirini bayan qilghan jumhur reis erdoghan, urushni baldurraq axirlashturush meqsitide türkiyening jari qilduruwatqan roligha yuqiri baha bergenliki we istanbul musapisini qollighanliqi seweblik, awstriye bash ministiri néhammérgha minnetdarliq bildürgen.