erdoghan oqutquchilar bilen iptarlashti
jumhur reis rejep tayyip erdoghan: «yawropa döletliri ichide eng az rohiy bésim (jiddiylishish)ni bashtin kechürgen oqutquchilar bizning oqutquchilirimizdur» dédi.
türkiye awazi radiyosi xewiri: jumhur reis erdoghan jumhur reislik mehkimisi körgezme zalida oqutquchilar bilen maarip sahesi rehberlik qatlimigha bérilgen iptar pirogrammisigha qatnashti.
jumhur reis erdoghan «kutupxanisiz mektep qalmaydu» türining bir qismi süpitide qisqighina ikki ay ichide 16 ming 361 yéngi kutupxana qurghanliqlirini tilgha élip, derslerning téximu ünümlük oqutulushigha kapaletlik qilish üchün 503 ming sinipqa özara tesir körsitishchan aq doska ornitilghanliqini éytti.
u, «türkiye, yéqinqi 20 yilda oqutquchilar maashini eng köp östürgen we mejburiy ders saitini eng töwen chekke chüshürgen bir dölet. iqtisadiy hemkarliq we tereqqiyat teshkilatining sanliq melumatlirigha qarighanda, yawropa döletliri ichide eng az bésimni bashtin kechürgen oqutquchilar bizning oqutquchilirimizdur» dégenlerni qeyt qildi.
