aqar 5 döletning dölet mudapie ministirliri bilen sinliq körüshti
dölet mudapie ministiri xulusi aqar bulghariye, giruziye, polsha, ruminiye we ukrainaning dölet mudapie ministirliri bilen 6 tereplik sin yighinida körüshti.
![aqar 5 döletning dölet mudapie ministirliri bilen sinliq körüshti](http://cdn.trt.net.tr/images/xlarge/rectangle/d59f/11d2/bb0d/624e995732245.jpg?time=1715235355)
türkiye awazi radiyosi xewiri: ministir aqar, bulghariye dölet mudapie ministiri dragomir zakow, polsha dölet mudapie ministiri mariyus blaszak, ruminiye dölet mudapie ministiri wasilé dinku, ukraina dölet mudapie ministiri oléksiy réznikow we giruziye dölet mudapie ministiri juanshér burchuladzé bilen alte tereplik sin yighinida körüshti.
u, türkiyening teklipi we uyushturushi bilen ötküzülgen sin yighinidin kéyin élan qilghan bayanatida, yighinning nahayiti muweppeqiyetlik ötkenlikini, yighinda, rayonluq mudapie we bixeterlik mesiliside özara pikir almashturghanliqlirini tekitlep mundaq dédi: «yighinda, kiriziske diplomatiye jehettin hel qilish charisi tépishqa yardem bérish üchün, ukrainada derhal urush toxtitishning ehmiyiti we puqralarni bixeter tarqaqlashturushning muhimliqi, minagha qarshi küreshni öz ichige alghan qaradéngizda tinchliq, xatirjemlik we muqimliqni qoghdashtiki hemkarliqning ehmiyiti yene bir qétim tekitlendi. axirida, barghanséri yamanlishiwatqan insaniy tiragédiye sewebidin insanperwerlik yardemlerni üzlüksiz dawamlashturush werayondiki krizisning téximu keskinliship kétishining aldini élish üchün qollinilidighan tedbirler heqqide muzakire élip bérildi.»
مۇناسىۋەتلىك خەۋەرلەر
![türkiyening awiyatsiye sahesi mulazimitide rékort yaritildi](http://cdn.trt.net.tr/images/medium/rectangle/002b/5afa/c585/663b429ac0174.jpg?time=1715235355)
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
![ezerbeyjan bash ministiri türkiyede ziyarette bolmaqta](http://cdn.trt.net.tr/images/medium/rectangle/be9a/5167/b11b/663b7a8d99242.jpg?time=1715235355)
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.