erdoghan: türkiyeni adalet, heqqaniyet, huzur we güllinishning simwoligha aylandurimiz

türkiye awazi radiyosi xewiri: erdoghan, istanbuldiki dolmabahche sariyidiki ishxanisidin, malatya aylanma yolining 1-bölikining échilish murasimigha neq meydan ulinish arqiliq qatniship, qilghan sözide, ulinish yoli bilen uzunluqi 53.5 kilométir kélidighan aylanma yolining boyida  12 achal köwrüki, 5 yer asti ötüshme köwrüki, 3 tömür yol köwrüki, 4 su yoli köwrükining orun alghanliqini eskertish bilen bir waqitta, bu yol arqiliq sheher merkizidiki qatnash bésimini yéniklitish arqiliq, waqittin 89 milyon lira, yéqilghudin 97 milyon lira téjep qélinidighanliqini, hemde karbon qoyup bérish miqdarining 19 ming tonnidin artuq azaytilidighanliqini, bu layihe üchün sélinghan omumiy meblegh tennerxining 1 milyard 128 milyon lira ikenlikini tekitlep mundaq dédi: «biz nöwette, pütkül dunya ‹kowid – 19› yuqumidin tartip urushqiche, köchmenler kirizisidin irqiy ayrimchiliq mesilisigiche, énérgiye we yémek – ichmekni öz ichige alghan iqtisadiy dawalghushlardin ijtimaiy qalaymiqanchiliqlarghiche san – sanaqsiz krizis patqiqigha pétip qéliwatqan bir dewrni bashtin kechürüwatimiz. mana mushundaq qorqunchluq weziyet we xewplik basquchta, dölitimizni adalet, heqqaniyet, huzur we güllinishning simwoligha aylandurush we ulughwar nishanlirigha yetküzüsh yolida pütün küchimiz bilen tinimsiz xizmet ishlewatimiz.»