istanbulgha féwralda kelgen sayahetchiler sani köpeydi
istanbulgha féwral éyida kelgen sayahetchilerning sani bulturqining oxshash mezgildikige sélishturghanda % 173 köpeydi.
türkiye awazi radiyosi xewiri: istanbul wilayetlik medeniyet we sayahet ishliri idarisining sanliq melumatlirigha qarighanda, bu yilning aldinqi ikki éyida istanbulgha kelgen sayahetchilerning sani 1 milyon 780 ming 60 qa yetken.
istanbulgha, bu yil féwral éyida 956 ming 482, aldinqi yili féwral éyida 350 ming 913 sayahetchi kelgen.
bu yil féwral éyida istanbulgha kelgen sayahetchilerning sani, aldinqi yilning oxshash mezgildikige sélishturghanda % 173 köpeygen.
istanbulgha kelgen sayahetchiler arisda, yanwar éyidikige oxshashla féwral éyidimu ruslar 80 ming 628 sayahetchi bilen aldinqi rettin orun alghan.
rusiyedin qalsa, 74 ming 56 sayahetchi bilen gérmaniye 2 -, 68 ming 940 sayahetchi bilen iran 3 -, 43 ming 560 sayahetchi bilen firansiye 4 -, 39 ming sayahetchi bilen kuweyt 5 -, 38 ming 169 sayahetchi bilen engliye 6 -, 30 ming 614 sayahetchi bilen israiliye – 7, 26 ming 985 sayahetchi bilen iraq 8 -, 26 ming 698 sayahetchi bilen ukraina 9 - rettin orun alghan.
féwral éyida istanbulgha 194 dölettin sayahetchiler kelgen bu sheherni, oxshash ayda shimaliy koréye, watikan, butan we sherqiy timordin birerdin adem ziyaret qilghan.
