sawash ünlü: 500 minggha yéqin süriyelik panahlanghuchi öz ixtiyarliqi bilen süriyege qaytti
ichki ishlar ministirliqi köchmenler idarisi bashliqi sawash ünlü türkiyediki 500 minggha yéqin süriyelik panahlanghuchining öz ixtiyarliqi bilen süriyege qaytqanliqini éytti.
türkiye awazi radiyosi xewiri: ichki ishlar ministirliqi köchmenler idarisi bashliqi sawash ünlü qatarning paytextide ötküzülgen 2022 – yilliq doha munbiri yighinida, «xelqara jemiyetlerning panahlanghuchilar éqimini bashqurushtiki roli: süriye we uning sirti» témiliq qismida nutuq sözlidi.
sawash ünlü «rusiye süriyede urushqa arilishishtin ilgiri, türkiye biwasite süriyege ariliship, panahlanghuchilar kirizisining aldini alalmasmidi? dégen soalgha jawab bérip, jumhur reis rejep tayyip erdoghanning her bir pursette süriyede bixeter rayon berpa qilish kéreklikini otturigha qoyghanliqini, lékin eyni chaghdiki dunyaning buni qollimighanliqini eskertip, «emma türkiye öz imkaniyetlirige tayinip, süriyening shimalida bu bixeter rayunni qurdi we bu qurulghan bixeter rayongha 500 minggha yéqin süriyelik panahlanghuchi öz ixtiyarliqi bilen qaytip keldi» dédi.
sawash ünlü türkiyening waqitliq qoghdash salahiyitige ige 3 milyon 700 ming süriyelik panahlanghuchigha sahibxanliq qiliwatqanliqini tilgha élip, buninggha qoshumche, türkiyede dunyaning oxshimighan döletliridin kelgen 300 ming etrapida shertlik panahlanghuchilarning barliqini éytti.
