бүгүн 1915 чанаққәлә көврүкидә қатнаш башлиниду
бүгүн (2022-йили 18-март) 1915чанаққәлә көврүкидә 18-март чанаққәлә деңиз зәпириниң 107-йиллиқида, түркийә җумһур рәиси рәҗәп таййип әрдоғанниң иштиракида қатнаш башлаш мурасими өткүзүлиду.
түркийә авази радийоси хәвири: бүгүн 1915чанаққәлә көврүкидә 18-март чанаққәлә деңиз зәпириниң 107-йиллиқида, түркийә җумһур рәиси рәҗәп таййип әрдоғанниң иштиракида қатнаш башлаш мурасими өткүзүлиду.
узунлуқи 4 миң 608 метир келидиған 1915 чанаққәлә көврүки билән, асийа вә йавропа қитәлири арисидики өтүш вақти алтә минутқа чүшиду.
чанаққәлә вилайитиниң лапсәки вә гәлиболу наһийәлири арисиға җайлашқан көврүкниң кабилида йәр шариниң әтрапини төт қетим айлинишқа йетидиған 162 миң километир келидиған полат арқан ишлитилди.
көврүкниң 2 миң 23 метирлиқ оттура қисми җумһурийәтниң 100-йиллиқиға, 318 метирлиқ полат мунарлири чанаққәлә деңиз зәпири қолға кәлгән 1915-йили 18-мартқа символ қилиниду.
қизил вә ақ рәңлик 334 метир узунлуқтики мунарлар түркийә байриқиға символ қилиниду. бу мунарлар көврүкни «дунйадики әң егиз мунарлиқ асма көврүки» унваниға игә қилиду.
җумһур рәис рәҗәп таййип әрдоған 1915 чанаққәлә көврүкиниң ечилиш мурасимидин илгири шеһитләр хатирә сарийида өткүзүлидиған «18-март шеһитлирини хатириләш күни вә чанаққәлә зәпириниң 107-йиллиқини хатириләш мурасими» ға қатнишиду.
