«eren qishliq herbiy herikiti» mardinda bashlandi

türkiye awazi radiyosi xewiri: ichki ishlar ministirliqining bayanatigha asaslanghanda, qishliq bazilishish bashquchidiki térorchilarni «izde-tap-yoqat» taktikisi bilen ujuqturush, ularning barliq teyyarliqlirini we heriketlirini bikar qilish hemde rayonning tinchliq we bixeterlik muhitini mustehkemleshni meqset qilghan heriketler dawamlashmaqta.

bu dairide mardinda «eren qish, 20 mardin, ömeryan shehid zhandarma xadimi harun kahya» herikiti bashlandi.

herikette, mardin wilayetlik zhandarma qomandanliq ishtabining bashqurushi we yollishi astida zhandarma komandirliri, zhandarma alahide heriket etriti we bixeterlik qoghdash etritidin terkib tapqan 585 xadim wezipe ötimekte.

ichki ishlar ministirliqining maslishishi bilen élip bérilghan ichki bixeterlik heriketliri dairiside, 7- noyabirda bashlanghan eren qishliq herikitide bügünge qeder 19 i ölük we birsi térik bolup, jemiy 20 térrorchi  bir terep qilindi.