türkiye birmadiki herbiy özgirishning xatire künide bayanat élan qildi
türkiye 2021-yili 1-féwral bérmada yüz bergen herbiy siyasiy özgirishning xatire künide bayanat élan qilip, birma weziyitining dawamliq éghir boluwatqanliqidin ensirewatqanliqini otturigha qoydi.
1771520
türkiye awazi radiyosi xewiri: türkiye jumhuriyiti tashqi ishlar ministirliqining bu heqtiki yazma bayanatida, türkiyening pirinsip jehettin her qandaq siyasiy özgirish we herbiy mudaxilige qarshi ikenliki tekitlendi.
bayanatta: «biz 2021- yili 2- ayning 1- küni bérmada élip bérilghan herbiy siyasiy özgirishning birinchi yilliq xatire künide, dölet weziyitining nachar bolushni dawamlashturuwatqanliqidin ensirimektimiz» dégen ibarilerge orun bérildi.
döletning tinchliqi we muqimliqigha kapaletlik qilish üchün démokratiyeni eslige keltürüsh we puqralargha qaritilghan zorawanliqni toxtitish üchün zörür tedbirlerning waqtida yolgha qoyulushining muhimliqi otturigha qoyulghan bayanatta: «biz nachar sharaitta yashawatqan rohinga musulmanlirining ehwalining yaxshilinishi we rohinga mesilisige chare tépish tirishchanliqining dawamlashturulushi toghrisidiki arzumizni tekrarlaymiz» dégenler qeyt qilindi.
bérma armiyesi 2020-yili 8-noyabirdiki chong saylamda aldamchiliq qilinghanliqining ilgiri sürülüshi we dölet ichide siyasiy jiddiychilik bash kötürgendin kéyin, 2021-yili 2-ayning 1-küni hakimiyetni tartiwalghanidi.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
