erdoghan 15 ming oqutquchini xizmetke teyinlesh murasimigha qatnashti
jumhur reis rejep tayyip erdoghan «kowid-19 yuqumi keltürüp chiqarghan qiyinchiliqlargha qarimastin, memliket miqyasida maarip paaliyitini üzüldürmey dawamlashturalighan az sandiki döletlerning birige aylanduq» dédi.
türkiye awazi radiyosi xewiri: jumhur reis rejep tayyip erdoghan paytext enqerede beshtepe dölet qurultiyi we medeniyet merkizide ötküzülgen 15 ming oqutquchini xizmetke teyinlesh murasimigha qatnashti.
jumhur reis erdoghan: «biz 2021- 2022- oqush yilini yuqum ehwaligha qarimastin, nahayiti muweppeqiyetlik tamamliduq. yüz turane maaripni dawamlashturalighan az sandiki döletlerning birige aylanduq. dunyadiki nurghunlighan döletler mewjut oqutquchilar saninimu saqlap qalalmighan bir mezgilde, biz yéngi oqutquchilarni xizmetke teyinleshni dawamlashturduq. bügünki wezipige teyinleshni qoshqanda biz yéqinqi 19 yilda 729 ming 487 oqutquchini xzmetke orunlashturghan bolduq» dédi.
erdoghan türkiyening her bir oqutquchigha chüshidighan oqughuchi sanidimu iqtisadiy tereqqiyat we hemkarliq teshkilati (OECD) ning ölchimige yetkenlikini tekitlep: «oqutquchilirimizning maliye we xususiy heq - hoquqlirini yaxshilashtimu körünerlik ilgirileshlerni qolgha keltürduq. yawropa boyiche yéqinqi 19 yilda oqutquchilarning maashini eng yuqiri kötürgen dölet, türkiye boldi» dédi.
