chawushoghlu jenubiy qibris rim dairilirige qattiq naraziliq bildürdi

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, jenubiy qibris rim dairilirining bölgünchi térrorluq teshkilati — p k k ning süriyediki gumashtisi p y d ge ishxana échish ijaziti bérishi toghrisida toxtilip: «türkiye yaki shimaliy qibris türk jumhuriyitige hujum qilip qalghan teqdirde, buning bedilini éghir derijide töletküzimiz» dédi.

mewlüt chawushoghlu éstoniye tashqi ishlar ministiri éwa mariya liméts bilen paytext enqerede ötküzgen qoshma muxbirlarni kütüwélish yighinida söz qildi؛ u, rim dairilirining bölgünchi térrorluq teshkilati p k k / y p g ge ishxana échishqa ruxset qilishi toghrisidiki bir soalgha jawab bérip, térrorluq teshkilatliridin paydiliniwatqan döletlerning barliqini, bu teshkilatlarning asasliqi wakaliten urushlarda ishqa séliniwatqanliqini, süriyedimu daéshqa qarshi küreshte térrorizmgha qarshi küresh tonigha orunup turup térrorluq teshkilatigha yardem qilinghanliqini eskertti.

ministir chawushoghlu: «rim teripiningmu térrorluq teshkilatigha, p k k gha bügüngiche yardem qilip kéliwatqanliqini bilimiz. bu mexpiy ish emes. emma, shuni déyishni xalaymenki, u yerde ishxana échishigha ruxset qiliniwatidu, kéyin bu yerdin herqandaq bir tehdit kélip qalsa, türkiye yaki shimaliy qibris türk jumhuriyitige, qibris türki qérindashlirimizgha birer hujum qilinip qalsa, buni bedilini töletküzimiz. bu bedel nahayiti éghir bolidu. shunga ular ot bilen oynashmisun, térrorluq teshkilatliri bilen hemkarliq ornatmisun» dédi.