türkiye b d t ning «yéza - kent sayahet menzilgahi» mukapatigha layiq körüldi
b d t dunya sayahet teshkilati, türkiyedin newshehir wilayitining mustafapasha yézisi bilen sakarya wilaytitining taraqli nahiyesini «yéza - kent sayahet menzilgahi» mukapatigha layiq kördi.
türkiye awazi radiyosi xewiri: medeniyet we sayahet ministirliqining bayanatigha qarighanda, sayahetchilikni yéza – kentlerni tereqqii qildurush, güllendürüsh we keng xelq ammisining parawanliqi üchün muhim küchke aylandurush meqsitide, bu yil «eng yaxshi yéza – kent sayahet xizmiti» ni ishqa kirishtürgen b d t dunya sayahet teshkilati, türkiyedin ikki yéza – kentni «sayahet menzilgahi» qilip tallidi.
newshehir wilayitining mustafapasha yézisi bilen sakarya wilaytitining taraqli nahiyesi, ispaniyening paytexti madridta ötküzülgen b d t dunya sayahet teshkilatining 24 – nöwetlik omumiy kéngishide «yéza - kent sayahet menzilgahi» makapatini tapshuruwaldi.
mukapatqa érishish riqabitide, 32 dölettin jemiy 44 yéza – kentke, özige xas tebiiy we medeniyet alahidilikliri, burundin tartipla izchil dawamliship kelgen eneniwi turmush usulliri, sijil we keng dairilik yéza - kent iqtisadiy paaliyetliri tüpeyli, «sayahet menzilgahi» unwani bérildi.
türkiyedin newshehir wilayitining mustafapasha yézisi bilen sakarya wilaytitining taraqli nahiyesi, bu mukapatqa iltimas sunghan 75 dölettin 175 yéza – kent ichidin tallinip, bu mukapatqa layiq körülgen sayahet menzilgahliri qataridin orun aldi.
مۇناسىۋەتلىك خەۋەرلەر
türkiye ghezzege yardem bérishte aldinqi orunda turidu
türkiye ghezzege insanperwerlik yardem bérishte dunya boyiche aldinqi orunda turidu.