erdoghan «téximu adil dunya mumkin» namliq kitabini yashlar üchün imzalidi

türkiye awazi radiyosi xewiri: jumhur reis erdoghan tünügün qahramanmarashtiki ziyaritidin kéyin «yette güzel adem muzéyi» da, «yashlar bilen shéir kéchiliki» pirogrammisigha qatniship, süretlirini hembehirlidi.

rejep tayyip erdoghan pirogrammining échilish murasimidiki nutuqida, özlirining nahayiti güzel bir jayda ikenlikini bildürüp, «marash؛ sözlirini edebiyat bilen , shéir bilen we xelq naxshiliri bilen sözleydighan bir sheherdur. shek-shübhisizki, dunyagha we insaniyetke deydighan sözi bar.  insan üchün edebiyat, bolupmu shéir eng toghra usuldur. shéirning lughet menisi, bir nersining inchikiliklirini chüshengen asasta bilish, hés qilish arqiliq bilish we ahangdar shekilde ipadileshtur. tesadipiy keyni-keynidin kelgen yaki tizip qoyulghan sözlerdin shéir bolmaydu. qelbinglarni, yürikinglarni we rohinglarni otturigha qoyusiler, emgek singdürüsiler, shundaq bolghanda shéir otturigha chiqidu» dédi,

rejep tayyip erdoghan türk edebiyatining eng qedimki eserliri ichide shéirlarning muhim orungha ige ikenlikini eskertti we yashlargha nesihet qilip: «rohinglarni insaniyetke we dunyagha bolghan héssiyatinglarni urghutqan shairlarning shéirlirini qelbinglarning eng güzel jayida muhapizet qilinglar» dédi.

bir yashning «sizmu shéir yazamsiz? ayalingiz emine erdoghangha shéir yézip baqtingizmu yaki oqudingizmu?» dégen soaligha  jawab bérip: «nahayiti qiyin bir soal soridingiz, epsuski, shéir yazmaymen, emma shéir oquymen we  oqushni dawamlashturuwatimen. ayalim bilen bizning shéirgha oxshashla hayatimiz bar»  dédi.

 jumhur reis rejep tayyip erdoghan pirogrammidin kéyin «téximu adil dunya mumkin» namliq kitabini imzalap yashlargha  teqdim qildi.