fuat oqtay rum dairilirini eyiblidi
türkiye jumhuriyiti jumhur reis yardemchisi fuat oqtay, jenubiy qibris rum dairilirini eyiblidi.
1705025
türkiye awazi radiyosi xewiri: türkiye jumhuriyiti jumhur reis yardemchisi fuat oqtay, jenubiy qibris rum dairiliri maarip ministirliqining, bir derslik kitabidiki mustapa kamal atatürk bayan qilinghan betning yirtiwétilishi toghrisidiki yolyoruqini eyiblidi.
fuat oqtay tiwittérdiki adrésida bayanat élan qilip, jenubiy qibris rum dairiliri emeldarlirigha «ötmüsh yelkisige yükligen tarixiy mirasni derslik kitablirining betlirini yirtish arqiliq öchürüp tashlighili bolmaydighanliqi»ni esletken halda: «jumhuriyitimizning qurghuchisi atatürkke we u arqiliq xelqimizge qilinghan bu hörmetsizlik, asasliqi rumlarning araldiki türk mewjudiyitini qobul qilalmaywatqanliqining roshen ipadisi. eyibleymen» dégenlerni qeyt qildi.
