erdoghan 15-iyul qehrimanlirini xatirilep, widéo hembehirlidi

türkiye awazi radiyosi xewiri: jumhur reis rejep tayyip erdoghan twittérda «türkiyedin ötkili bolmaydu» dégen xetküch bilen hembehirligen uchurida: «15-iyul wetini üchün jéni bedel qilip dölitimizni esir élishqa urunghan xainlargha sawiqini bergen barliq qehrimanlirimizni rehmet we minnet bilen esleymiz. bayraq chüshmeydu! ezan toxtimaydu!» dédi.

rejep tayyip erdoghan hembehirligen widéoda töwendikidek uchurlargha orun bérildi:

«chanaqqeledin ötkili bolmaydu. wetinini we musteqilliqini qoghdash üchün oqlargha kökirek kérip chiqqan mehmetchikler ölmeydu. tügimes jasaretke ige, 15-iyulda ikki qite tutashqan yerde, xainlarning miltiqining uchigha qolida héchnime yoq halda yürügen, qorqmastin ittipaqlashqan xelq bölünmeydu, ularning iradisi yéngilmes. mudapiedin téxnologiyegiche, énérgiyedin sehiyegiche bolghan her sahede kücheygen, ejri bilen qolgha keltürgen ghelibilerdin kéyin, nepes almastin xizmet qilish kéreklikini bilgen xelq yéngilmeydu.

mawi wetendin ötkili bolmaydu. oruch res, barbaros, turgut reis tillarda dastan bolghan mawi déngizdiki mewjutluqtin ötkili bolmaydu. sherqiy aqdéngizdin ötkili bolmaydu. ay yultuz yétip barghan her jayni yorutqan, mohtajgha yardem qolini uzatqan shepqet we yardem tirishchanliqidin ötkili bolmaydu. istiqbali köklerde bolghan, her qachan yéngiliqqa we téximu yaxshigha qarap tewrenmes irade bilen yürügen türk yashliqidin ötkili bolmaydu. heqiqiy küchning ittipaqliqtin kélidighanliqini bilgen aliyjanap türk xelqini meghlub qilghili bolmaydu. sen yüzlerche yildin buyan bayriqigha we zéminigha ashiq bolghan bir xelqning wetini türkiyedursen. türkiyedin ötkili bolmaydu.»