kuweyt text warisidin erdoghangha medhiye
kuweyt emirining wekili shundaqla text warisi sheyx meshel el jabir el sabah jumhur reis rejep tayyip erdoghanni medhiyelidi.
türkiye awazi radiyosi xewiri: kuweytning resmiy xewer agéntliqi «KUNA » ning xewirige asaslanghanda, kuweyt emirining wekili shundaqla text warisi sheyx meshel el jabir el sabah kuweytte resmiy ziyarette boluwatqan türkiye büyük millet mejlisi (parlaménti) bashliqi mustafa shentop we uning hemrahliqidiki heyet bilen tünügün kuweyttiki bayan sariyida uchrishish élip barghan.
uchrishishta text warisi shahzade el sabah kuweyt bilen türkiye otturisidiki tarixi munasiwetlerning chongqurliqini tekitligen.
shahzade el sabah kuweytni qollighanliqi üchün jumhur reis rejep tayyip erdoghangha rehmet éytip, «erdoghan meydani, sözi we herikiti bilen jesur bir adem. uninggha qarita söygü we hörmitimiz bar» dédi.
el sabah 1990-yili iraq kuweytni ishghal qilghan mezgildiki türkiyening tutqan meydanini eskertip, «medeniyet we xelqi jehettin uzun tarixqa ige bu döletning wapadar we sadiq pozitsiyede bolushi ejeblinerlik emes idi. biz minnetdarliqimizni tekrarlaymiz. kuweyt qérindashliri we dostlirining tutqan meydanini untup qalmaydu» dédi.
el sabah kuweyt bilen türkiyening siyasiy, iqtisadiy we soda munasiwetliri shundaqla bixeterlik hemkarliqining küch - qudriti üstide toxtilip, «türkiye kuweytlik sayahetchilerge nisbeten nuqtiliq menzilige aylandi» dédi.
