تۈركىيەدە ۋاكسىنا ئەملەش خىزمىتىنىڭ ئۈچتىن بىر قىسمى ئىيۇن ئېيىدا تاماملاندى
تۈركىيەدە «كوۋىد – 19» ۋاكسىنالىرىنىڭ ئۈچتىن بىر قىسمىدىن كۆپرەكى ئىيۇن ئېيىدا ئەملەندى.
تۈركىيە ئاۋازى رادىيوسى خەۋىرى: «كوۋىد – 19» يۇقۇمىغا قارشى كۈرەش دائىرىسىدە دۆلەت مىقياسىدا ئەملەنگەن بىرىنچى ۋە ئىككىنچى قۇتا ۋاكسىنالارنىڭ سانى 45 مىليون 500 مىڭغا يەتتى.
تۈركىيە سەھىيە مىنىستىرلىقى تەرىپىدىن ئاممىۋى ئىممۇنىتېتقا كاپالەتلىك قىلىش مەقسىتىدە، «كوۋىد – 19» يۇقۇمىغا قارشى ۋاكسىنا ئەملەش سەپەرۋەرلىك ھەرىكىتى باشلىتىلغاندىن كېيىن، 1 – ئىيۇندىن 24 – ئىيۇنغىچە بولغان ئارىلىقتا، 16 مىليون 400 مىڭ قۇتىدىن ئارتۇق ۋاكسىنا ئەملەندى.
شۇنىڭ بىلەن، ھازىرغىچە «كوۋىد – 19» يۇقۇمىغا قارشى ئەملەنگەن ۋاكسىنالارنىڭ ئۈچتىن بىر قىسمىدىن كۆپرەكى، ئىيۇن ئېيىدا ئىشقا ئاشۇرۇلغان بولدى.
ۋاكسىنا ئەملەنگەن ياش ۋە كەسپىي گۇرۇپپىلاردىمۇ مۇشۇ ئايدا تېز ئىلگىرىلەش بولدى.
1 – ئىيۇن كۈنى 50 ياشلىقلار ۋە ئۇنىڭدىن چوڭلارغا ۋاكسىنا ئەملىنىشكە باشلانغان بولۇپ، بۈگۈندىن ئېتىبارەن ياش چەكلىمىسى 18 گە تۆۋەنلىدى.
مۇناسىۋەتلىك خەۋەرلەر
تۈركىيە غەززەگە ياردەم بېرىشتە ئالدىنقى ئورۇندا تۇرىدۇ
تۈركىيە غەززەگە ئىنسانپەرۋەرلىك ياردەم بېرىشتە دۇنيا بويىچە ئالدىنقى ئورۇندا تۇرىدۇ.