türkiye fayzér-biyonték waksinasi sétiwaldi
türkiye amérika dora shirkiti fayzér bilen gérmaniyening biyonték shirkiti birlikte tetqiq qilip yasighan wuxen wirusi (Kovid-19) waksinasidin jemiy 90 milyon shishe sétiwaldi.
türkiye awazi radiyosi xewiri: türkiyening fayzér-biyonték waksinasi sétiwalghanliqi toghrisida bayanat élan qilindi.
fayzér bilen biyontékning bu heqtiki bayanatida, buningdin burun tüzülgen kélishimge qoshumche halda 30 milyon dane waksina sétip bérilidighanliqini we jemiy sétip bérilidighan waksina sanining 90 milyon bolidighanliqi qeyt qilindi.
bayanatta, jemiy 120 milyon waksinaning 2021-yilining ichide tarqitishning pilan qiliniwatqanliqi eskertildi.
bayanatta biyonték shirkitining qurghuchiliridin piroféssor doktor ughur shahinning qarashlirighimu orun ajritilghan bolup, u mundaq dégen: «wabani yoqitish, doxturxanida dawalinishni azaytish we normal hayatqa qaytishqa yardem qilish üchün dunyaning her qaysi jayliridiki kishilerni imkaniyetning bériche wuxen wirusi waksinasi bilen teminleshni meqset qilimiz. türkiye xelqining waksina emlesh tirishchanliqlirigha hesse qoshalighanliqimiz we xelqning bizge ishengenlikidin özimizni xushal hés qilimiz» dédi.
