türkiye déngiz tewelikige qaytishqa mejburlanghan 40 panahlanghuchi qutquzuwélindi

türkiye awazi radiyosi xewiri: ege déngizining aywaliq tewelikidiki bir kamér kémide panahlanghuchilarning barliqi uchurini tapshurup alghan türkiye déngiz qirghiqi mudapiesi qomandanliqi xadimliri téz sürette neq meydangha yétip bérip, midilli ariligha ötüp kétishke urunuwatqan esnada girétsiye déngiz qirghiqi mudapiesi xadimliri teripidin türkiye terepke qaytishqa mejburlanghanliqi éniqlanghan 34 panahlanghuchini qutquzup, junda arilidiki déngiz qirghiqi mudapiesi qomandanliq merkizige élip bardi.

bu jeryanda déngiz qirghiqi mudapiesi qomandanliqi xadimliri, mughlaning marmaris nahiyesi tewelikidiki bir qolwaqta tertipsiz köchmenlerning barliqi toghrisida uchur tapshurup élip, girétsiye déngiz qirghiqi mudapiesi xadimliri teripidin türkiye terepke qaytishqa mejburlanghan alte kishini qutquzup wilayetlik köchmenler idarisigha ötküzüp berdi.