türkiyede kéler heptidin bashlap 65-60 yashtikilerni emlesh bashlinidu

türkiye awazi radiyosi xewiri: sehiye ministiri fahrettin koja bilim kéngishi yighinidin kéyin élan qilghan bayanatida: «wuxen wirusining keng ammiwi mesile bolushidin qélishi üchün aldimzida yillar yoq, belki aylar bar. insaniyet 2020-yildiki charisizlikni yengdi. 2021-yili ümid we ghelibe yilidur» dédi.

u türkiyening waksina teminlesh nuqtisida yüz bérish éhtimali bolghan mesililerni aldin körüp, herketke ötkenlikini eskertip: «hazir emliniwatqan xitayda yasalghan sinowak waksinasigha oxshimaydighan biyonték waksinasining sinaq qilinidighan 5 ming 800 danisi dölitimizge keltürüldi. mushu ay ichide yene 4.5 milyon dane keltürülidu. bu jeryanda sinaq ishliri axirlashqan bolidu. bu waksinalar nöwiti kelgenlerge emlinidu» dédi.

u 65 yashtin yuqirilarni emlesh ishlirining axirlashqanliqini bildürüp: «kéler heptidin bashlap 65-60 yashtikilerni emlesh bashlinidu» dédi.