türkiyede yil axirighiche yerlik waksina ishlepchiqirilidu

türkiye awazi radiyosi xewiri: sanaet we téxnologiye ministiri mustafa warangk riqabetchi séktorlar pirogrammisini tonushturush yighinidin kéyin, bir téléwiziye pirogrammisigha qatniship, yerlik waksina tetqiqatliridiki ilgirileshler toghrisida melumat berdi.

u waksina tereqqiy qildurush musapisining intayin nahayiti uzun we musheqqetlik ish ikenlikini eskertip, qeyseride tetqiq qiliniwatqan waksinaning hazirghiche ikiknchi basquchluq siniqining emelge ashqanliqini we üchinchi basquchqa yétishke az qalghanliqini bildürdi.

u wuxen wirusi waksinasining, türkiye munbiri künlüki astida türkiye ilim-pen we téxnika tetqiqat idarisi we ministirliqning qollishigha érishken layihelerning biri ikenlikini we bashqa layihelerningmu barliqini eskertip: «munber arqiliq, yéngiliq yaritilghan, dunyada nahayiti az sinaq qilinghan waksinalarni tereqqiy qildurushni ümid qilimiz. bulardin biri <w l p, dep atilidighan wirusqa oxshaydighan parchilardin yasalghan waksinadur. dunyada peqet ikki döletla bu waksinani tetqiq qiliwatidu» dédi.

u yuqiridiki waksina bilen birlikte, üch xil waksinaning tetqiq qilinishi üchün türkiye dora we tibbiy üsküniler idarisigha iltimas sunulghanliqini bildürüp: «türkiye dora we tibbiy üsküniler idarisi testiqlighandin kéyin derhal insanlar üstide sinaq qilishni bashlaymiz. inshaallah yil axirighiche özimizning yerlik waksinamizni qolimizgha élishni nishan qilduq» dédi.

u tetqiq qilinip yasilidighan waksinalarning uzun yilghiche dawamlishidighan wabagha qarshi turushta muhim muweppeqiyetlerning biri bolidighanliqini bildürüp, waksinani bashqa döletler bilen ortaqlishish üchünmu teyyarliq qilinghanliqlirini qeyt qildi.