türkiye: yawropa parlaméntining asassiz dewalirini ret qilimiz

türkiye awazi radiyosi xewiri: türkiye tashqi ishlar ministirliqi teripidin, yawropa parlaménti omumiy kéngishida qobul qilinghan süriye kirizisige munasiwetlik qarar heqqide élan qilinghan bayanatta, qararda, milyonlarche süriyeliklerni baghrigha bésiwatqan we kirizis sewebidin yégane halda nahayiti éghir mesuliyetlerni öz üstige éliwatqan türkiyege qarshi asassiz dewalargha orun bérilgenliki, enqerening bu asassiz dewalarni qetiy ret qilidighanliqi, jümlidin, türkiyening, süriyening shimalida, chégra liniyelirini boylap türkiye we süriye xelqige tehdit shekillendürüwatqan térrorluq teshkilatlirigha qarshi, birleshken döletler teshkilati ehdinamisining 51 – maddisigha asasen, qanuniy qoghdinish hoquqini chiqish nuqta qilghan halda herbiy heriketlerni élip bériwatqanliqi tekitlinip mundaq déyildi: «herbiy heriketler esnasida we herbiy heriketlerdin kéyin puqralarning ziyangha uchrimasliqi üchün kéreklik barliq teedbirler eng yüksek sewiyede qolliniliwatidu, rayon xelqi daésh, p k k/ y p g qatarliq térrorluq teshkilatlirining zulmidin qutuldi, süriye ötkünchi hökümitining rehberlikidiki yerlik küchlerning  muqimliqni saqlash paaliyetliri sayisida huzur we tinchliq ornitildi؛ buninggha egiship, 420 mingding artuq musapirning, bu rayonlargha öz ixtiyarliqi bilen we bixeter halda  qaytinshi ishqa ashuruldi.»

yawropa parlaméntining eslide tenqid qilishigha tégishlik ishning, bölgünchi térrorluq teshkilati p k k/y p g ning yéqindin buyanqi rayonda tinchliq we muqimliqni buzush meqsitide barghanséri köpiyiwatqan hujumliri ikenliki tekitlengen bayanatta, mundaq déyildi: «qararda bölgünchi térrorluq teshkilati p k k/y p g ning rayonning démografik qurulmisini özgertiwétish urunushliri we daéshchilarni qoyup bérish mesililirige orun bérilmeslikimu diqqet qozghimaqta.»

türkiyening, süriye kirizisige siyasiy chare tépish meqsitide tirishchanliq körsitishni dawamlashturidighanliqi qeyt qilinghan bayanatta, mundaq déyildi: «yawropa parlaméntini heqiqetlerdin  yiraq we munasiwetsiz bayanatlarni élan qilishning ornigha, shimaliy atlantik ehdi teshkilati we yawropaningmu chégralirini qoghdawatqan türkiyening süriyede ishlewatqan xizmetlirining, yawropa üchünmu nahayiti zor ehmiyetke ige ikenlikini chüshinip yétishke, süriyediki özgirishler dairiside, kirizisni siyasiy yollar bilen hel qilish charisi tépish tirishchanliqlirigha hesse qoshushqa chaqirimiz.»