chawushoghlu özbékistan diplomatiye ministiri bilen körüshti

türkiye awazi radiyosi xewiri: özbékistanning paytexti tashkentte ikki döletning tashqi ishlar ministirliqliri heyetliri ara  uchrishishlarda, türkiye – özbékistan istiratégiyelik aliy hemkarliq kéngishi mesilisi heqqide muzakire élip bérildi.

chawushoghlu, heyetler ara uchrishishlar harpisida bergen bayanatida, tashkentke yétip bérishtin burun, ziyaritining medeniyet bölümide hiwe we semerqendni ziyaret qilip, türkiyening semerqend bash konsulxanisining échilishini ishqa ashurghanliqlirini eskertti, hemde bu ziyaretler esnasida özlirini yalghuz tashlap qoymighan kamilowgha minnetdarliq bildürdi.

bügün, ortaq istiratégiyelik pilan tüzüsh guruppisi yighini achidighanliqlirini éytqan chawushoghlu, mundaq dep körsetti: «istiratégiyelik aliy hemkarliq kéngishi ikkichi qétimliq yighini üchün teyyarliq xizmetlirini ishleshke bashlighan bir peytte, birinchi nöwetlik bashliqlar yighinida maqullanghan qararlar we biz imzalighan kélishimlerning ijra qilinish ehwaliningmu közetküchisi bolimiz, türk kéngishi, afghanistan we bashqa rayonluq mesililer toghriliqmu muzakire élip barimiz.»

özbékistan diplomatiye ministiri abduleziz kamilow, ikki dölet otturisidiki istiratégiyelik hemkarliqni yenimu yüksek sewiyege yetküzüshni nishan qiliwatqanliqlirini eskertish bilen bir waqitta, chawushoghluning, özbékistan pirézidénti shewket mirziyoyéw teripidin qobul qilinidighanliqini, arqidin, özbékistan muawin bash ministiri, sélinmilar we tashqi soda ishliri ministiri serdar umurzaqow bilen bir yerge jem bolidighanliqini qeyt qildi.