ibrahim kalin amérikagha «S-400» toghrisida signal berdi
jumhur reislik sariyi bayanatchisi ibrahim kalin türkiyening rusiyedin sétiwalghan «S-400» lerning nato mudapie sistémiliri bilen birleshtürülmeydighanliqini éytti.
türkiye awazi radiyosi xewiri: jumhur reislik sariyi bayanatchisi ibrahim kalin blumbérg (Bloomberg) qanilining ziyaritini qobul qilip, türkiye bilen amérika otturisidiki eng asasliq mesililerning, «amérikaning p y d|y p g ge qiliwatqan yardimi, ‹S-400› ler bilen kaatsa ‹CAATSA› (amérikaning émbargolar arqiliq küresh qilish qanuni) we fethullahchi térrorluq teshkilati kattibéshining amérikada turushigha ruxset qilinishi ikenliki» ni bildürdi.
u nahayiti epsuski hazirghiche bu mesililerde héchqandaq ilgirilesh bolmighanliqini we héchqandaq qedem tashlanmighanliqini eskertip, bu mesililerning türkiyening milliy xewpsizlik endishelirining merkizini teshkil qilidighanliqini tekitlidi.
u mezkur mesililerning ijabiy diyalog yoli bilen ochuq-ashkara we semimiy halda söhbetlishsh arqiliq hel qilalaydighanliqlirigha ishinidighanliqlirini bildürüp: «amérika siyasetchilirining chüshinishi kérek bolghan ish, bu mesililerning biz üchün qanchilik hayatiy ehmiyetke ige ikenliki...» dédi.
u türkiyening rusiyedin «S-400» sétiwélish qararini bir kéchide bermigenlikini alahide eskertip: «qolimizdiki ‹S-400› ler nato mudapie sistémiliri bilen birleshtürülmeydu we nato mudapie sistémisigha tehdit peyda qilidighan orunda bolmaydu» dédi.
u «S-400» lerning ikkinchi türkümi toghrisidiki soalgha: «tunji kélishimge munasiwetlik musape dawamlishiwatidu we hemmisi oxshash musapining parchiliri. oxshash kélishimning oxshimighan basquchlarda ijra qilinishigha munasiwetlik musape dawamlishiwatidu.»
u türkiyening «wetenperwer» namliq bashqurulidighan bombidin bashqa, firansiye-italiye birlikte yasighan «SAMP/T» bashqurulidighan bombilirini sétiwélishnimu xalaydighanliqini qeyt qildi.
u: «biraq, firansiye süriyeni bahane qilip musapigha tosqunluq qilishni qarar qildi. firansiye bilen bu musapini tézleshtürüsh üchün körüshüshni dawamlashturuwatimiz. biz her xil yollargha ishikimizni taqimaymiz» dédi.
u amérika yéngi hökümiti bilen alaqe ornitilghanliqini bildürüp: «pirézidént baydinning nurghun ichki siyaset mesililiri bilen aldirash ikenlikini bilimen. biz kesipdashlirimiz bilen alaqe ornitip, yaxshi bashlinish hasil qilduq. ikki rehber bir küni jezmen körüshidu» dédi.
