türkiye eskerliri natoda yuqiri iqtidarini körsetti

türkiye awazi radiyosi xewiri: nato quruqluq armiye qomandanliq ishtabi twittérda, «intayin yuqiri teyyarliq sewiyede birleshme wezipe ötesh qismi» dairiside maniwér ötküzgen türkiye eskerlirining körünüshlirini hembehirlidi.

hembehirlengen körünüshlerde, türkiye eskerlirining türkiyede yasalghan «wuran» markiliq herbiy aptomobil we deryalardin ötüshte ishlitilidighan «samur» leylime köwrükliridin yuqiri maharet bilen paydiliniwatqanliqi mezmun qilinidu.

türkiye eskerlirining yuqiri wezipe ötesh iqtidari bu körünüshler bilen yene bir qétim namayan qilindi.

intayin yuqiri teyyarliq sewiyeside birleshme wezipe ötesh qismining qomandanliq hoquqi 2021-yili 31-dékabirghiche türkiyede bolidu.

natoning ilgiriki bayanatida, türkiyening nato terkibide heriket qabiliyiti eng yuqiri qisimlardin bolghan mezkur qisim üchün, bolupmu arqa sep we oq-dora étiyajlirini pilanlashqa muhim mebleghlerni salghanliqi tekitlengen idi.

nato ezaliri her yili nöwet bilen qomandanliq qilidighan bu qisimgha, polsha 2020-yili, gérmaniye 2019-yili qomandanliq qilghan idi.

mezkur qisim nato ittipaqdashlirini her qandaq tehditke qarshi qoghdash üchün qisqa waqit ichid heriketke öteleydighan shekilde teyyar halette turidu.