dölet xewpsizlik kéngishi: heq – hoquqlirimizni jan tikip qoghdash iradimiz qetiy
dölet xewpsizlik kéngishi yighinida enqerening türkiyening ege déngizi, sherqiy aqdéngiz we qibristiki heq – hoquqlirini qoghdash iradisining qetiyliki tekitlendi.
türkiye awazi radiyosi xewiri: jumhur reis rejep tayyip erdoghanning riyasetchilikide jumhur reislik sariyida chaqirilghan dölet xewpsizlik kéngishi yighinidin kéyin bayanname élan qilindi.
bayannamide, yighinda, rayonda asasliq muqimsizliqning menbesige aylinip qalghan térrorluq teshkilatlirining türkiyening jenubiy chégra liniyeliridiki qoshnilirining zéminliridiki mewjudiyitige xatime bérilishi dairiside tashliniwatqan qedemlerler toghriliqmu muzakire élip bérilghanliqi tekitlinip mundaq déyildi: «yighinda, mesilige daxil boluwatqan barliq xelqaraliq aktiyorlar, zimmisige yüklengen wezipilirini ada qilishqa chaqiriq qilindi.»
türkiyening ege déngizi, sherqiy aqdéngiz we qibris mesililirining hel qilinishida her bir munberde aldi bilen diplomatiye we diyalog terepdari bolup kéliwatqanliqi eskertilgen bayannamide, mundaq déyildi: «shuning bilen bir waqitta, dölitimizning xelqara qanun we kélishimlerge asaslinidighan heq – hoquqliri, tüp menpeetlirini jan tikip qoghdash iradisi qetiydur.»
bayannamide yene, somalini öz ichige alghan afriqa qitesi we oxshimighan jughrapiyelerdiki térrorluq hujumliri we zorawanliq weqeliri eyiblendi, türkiyening tinchliq üchün mesuliyetlirini ada qilishni dawamlashturidighanliqi tekitlendi.
