erdoghan: büyük we qudretlik türkiye qurup chiqish xizmitini dawamlashturuwatimiz

türkiye awazi radiyosi xewiri: jumhur reis, qoshumche adalet we tereqqiyat partiyesi reisi rejep tayyip erdoghan, partiyesining 7 – nöwetlik sakarya, yalowa, qirklareli, edirne we chanaqqele wilayetlik qurultaylirigha sin körünüshlük ishtirak qilip söz qildi.

u qurultaylarda qilghan sin körünüshlük sözide: «bizning 1000 yildin buyan yashawatqan bu tupraqlarda qolgha keltürgen her bir muweppeqiyetimizning arqisida milyonlighan kishilerning emgiki we iradisi, shundaqla milyonlighan kishilerning qéni yatidu» dédi we sözini dawamlashturup: «ming ötken bolushigha qarimay bizge bu wetenni yarashturalmaywatqanlarning, artuqche dep qarawatqanlarning barliqini bilimiz» dégenlerni qeyt qildi.

«1000 yildin kéyinmu, bizni bu wetinimizge oxshitalmaydighanlarning barliqini bilimiz». dédi.

türkiyeni démokratiye we iqtisad seynasida körüshtin saqlinish üchün közlirini yumuwalghanlar, qulaqlirini itiwalghanlar we qelblirini kor qilghanlarning barliqini bilidighanliqlirini tekitligen erdoghan: «adalet we tereqqiyat partiyesining bügün türkiyening 81 wilayiti, 1389 baziri, 42 ming mehelle we kentide, mustesnasiz halda hemmila yéride sélinmilirining barliqidin ibaret heqiqetni yoshurushqa tirishiwatqanlarning barliqinimu bilimiz» dédi.

jumhur reis rejep tayyip erdoghan büyük we qudretlik türkiye qurup chiqish xizmitini dawamlashturuwatqanliqlirini sözlirige ilawe qildi.