faxrettin koja türkiyede kowid-19 ning engliyede körülgendek gén özgirishige uchrimighanliqini éytti

türkiye awazi radiyosi xewiri: sehiye ministiri faxrettin koja tiwittér hésabidiki yazmisida, kowid-19 ning gén özgirishi üstide toxtilip, wirusning gin özgirishi we bashqa özgirishlirini nazaret qilish üchün xelq saghlamliqi tejribixanilirining qerellik halda döletning herqaysi rayonliridiki ewrishkilerni tekshürüp kéliwatqanliqini bildürdi.

faxrettin koja: «bu tekshürüsh dairiside, bayqalghan özgirishler dunya sehiye teshkilati bilen ortaqlishilmaqta. özgirishlerge qarshi tedbirler dairiside engliyedin dölitimizge kelgen we tekshürishi musbet chiqqan kishilerning PCR ewrishkiliri bilen memlikitimizning her qaysi jayliridiki ewrishkiler  tejribixanilirimizda toluq gén tertiplesh usuli arqiliq tekshürüldi. yéqinda munasiwetlik döletlerdin türkiye kelgen we PCR ewrishkisi musbet chiqqan bémardin élinghan ewrishkilerdimu özgirish körülmidi hemde  döletning herqaysi rayonliridin yighilghan ewrishkilerdimu engliyede körülgendek gén özgirishi bayqalmidi» dédi.

faxrettin koja qerellik tekshürüshlerning dawamlishidighanliqini tekitlidi.