фахрәттин коҗа түркийәдә ковид-19 ниң әнглийәдә көрүлгәндәк ген өзгиришигә учримиғанлиқини ейтти

түркийә авази радийоси хәвири: сәһийә министири фахрәттин коҗа тивиттер һесабидики йазмисида, ковид-19 ниң ген өзгириши үстидә тохтилип, вирусниң гин өзгириши вә башқа өзгиришлирини назарәт қилиш үчүн хәлқ сағламлиқи тәҗрибиханилириниң қәрәллик һалда дөләтниң һәрқайси районлиридики әвришкиләрни тәкшүрүп келиватқанлиқини билдүрди.

фахрәттин коҗа: «бу тәкшүрүш даирисидә, байқалған өзгиришләр дунйа сәһийә тәшкилати билән ортақлишилмақта. өзгиришләргә қарши тәдбирләр даирисидә әнглийәдин дөлитимизгә кәлгән вә тәкшүриши мусбәт чиққан кишиләрниң PCR әвришкилири билән мәмликитимизниң һәр қайси җайлиридики әвришкиләр  тәҗрибиханилиримизда толуқ ген тәртипләш усули арқилиқ тәкшүрүлди. йеқинда мунасивәтлик дөләтләрдин түркийә кәлгән вә PCR әвришкиси мусбәт чиққан бемардин елинған әвришкиләрдиму өзгириш көрүлмиди һәмдә  дөләтниң һәрқайси районлиридин йиғилған әвришкиләрдиму әнглийәдә көрүлгәндәк ген өзгириши байқалмиди» деди.

фахрәттин коҗа қәрәллик тәкшүрүшләрниң давамлишидиғанлиқини тәкитлиди.