soylu girétsiyening köchmenlerge insan qélipidin chiqqan muamilisi tüpeyli naraziliq bildürdi
ichki ishlar ministiri sulayman soylu girétsiyening köchmenlerge eziyet yetküzüshi we insan qélipidin chiqqan muamilisige qattiq naraziliq bildürdi.
türkiye awazi radiyosi xewiri: girétsiye dölet xewpsizlik küchlirining ege déngizida tertipsiz köchmenlerge qarita eziyetliri we insan qélipidin chiqqan muamililiri mezmun qilinghan widéo körünüshlirini ammiwi ortaqlishish tor bétidiki sehipiside hembehirligen soylu, yawropa ittipaqi ichki ishlar komissari yilwa johansongha xitab qildi.
soylu uchurida, girétsiye dölet xewpsizlik küchliri urghan we türkiyening su tewelikige terk étish üchün köchmenlerni olturghuzghan qéyiqning partlishi netijiside déngizgha chüshüp ketken 5 tertipsiz köchmendin 3 ining hayatidin ayrilghanliqini tekitlep mundaq dédi: «hörmetlik yilwa johanson! girétsiyening köchmenlerge qarita eziyetliri we insan qélipidin chiqqan muamililiri jinayetke aylanmaqta. FRONTEX körmeske séliwatqan bu jinayetlerning hésabi girétsiyedin soralmamdu?»
u, inglizche we türkche hembehirligen uchurlirigha, yawropa ittipaqi komitéti bilen FRONTEX ning ammiwi ortaqlishish tor béti Twitter sehipilirinimu ilawe qildi.
