ichki kabinét yighini bügün jumhur reis erdoghanning riyasetchilikide chaqirilidu

türkiye awazi radiyosi xewiri: jumhur reis rejep tayyip erdoghan riyasetchilik qilidighan ichki kabinét yighinida, yuqumni tizginlesh kürishining nöwettiki ehwali muzakire qilinidu.

sehiye ministiri fahrettin koja yighingha ishtirak qilidighan ichki kabinét ezalirigha yuqumning nöwettiki ehwali toghrisida tepsiliy melumat béridu we pen – téxnika komitétining tewsiye qararlirini yetküzidu.

tewsiye qararliri muzakire qilinidighan yighinda, yolgha qoyulidighan yéngi chare – tedbirler toghrisida qarar chiqirilidu.

ichki kabinétning sehiye, maarip we iqtisad qatarliq köpligen saheler boyiche yéngi chare – tedbirlerni élan qilishi kütülmekte.

yighinda yene dunyadiki waksina tetqiqatliri we yerlik waksina tereqqiy qildurush xizmetlirining nöwettiki ehwaliningmu muhakime qilinishi kütülmekte.

yighindin kéyin jumhur reis rejep tayyip erdoghan chiqirilghan qararlarni jamaetchilik bilen ortaqlishidu.