türkiye büyük millet mejlisining makron qararnamisi resmiy gézitte élan qilindi

türkiye awazi radiyosi xewiri: firansiye pirézidénti émmanuél makronning islamgha qarshi bayanatlirigha alaqidar türkiye büyük millet mejlisining qararnamiside, siyasiy meqsetlirige yétish, hakimiyitini mustehkemkesh we daxil boluwatqan toqunushlargha terepdar toplashni öz ichige alghan türlük bahanilar bilen oxshimighan étiqarlar we jemiyetler otturisida weyran qilish xaraktérlik ixtilaplarni tughduridighan ighwagerliklerge murajiet qiliwatqan, düshmenlik peyda qilidighan heriketlerge teshebbus qiliwatqan hemme kishining, peqet özliri wekillik qilidighan jemiyetlergila emes, pütkül insaniyetke chongqur tesir körsitidighan éghir jinayet sadir qiliwatqanliqi eskertildi.

yéqindin buyan bundaq illetlik ighwagerlikning makronning bayanatliri we ijraatliridimu körülüwatqanliqi qeyt qilinghan qararnamide, «mezkur zat, pikir erkinlikini qollashni bahane qilip, perwasizlarche heriketliri bilen yer shari xaraktérlik netijiliri her bir dinning mensubigha chongqur we selbiy tesir körsitidighan bir toqunushni, ziddiyetni ewj alduruwetmekte» déyildi.

qararnamide, yéqindin buyan firansiyede yüz bériwatqan, hemme kishini, pütkül insaniyetni qattiq epsuslanduruwatqan peskeshlerche térrorluq  heriketlirining, shundaqla, hem yawropada hemde pütkül dunya miqyasida barliq din, til we irq mensuplirining zich hemkarliq ornitishini teqezza qilidighan térrorizmgha qarshi küreshning, islamgha qarshi bayanat we ijraatlarni toghrigha chiqarmaydighanliqi tekitlinip mundaq déyildi: ««türkiye büyük millet mejliside guruppisi bar siyasiy partiyelerning wekilliri bolush süpitimiz bilen, firansiye pirézidénti émmanuél makronning islam dinigha, uning eziz peyghembiri muhemmed eleyhissalamgha we musulmanlargha qarita ighwagerlik, hörmetsizlik tüsini alghan xewplik bayanatlirini qattiq lenetleymiz we pash qilimiz؛ dunyaning herqaysi jayliridiki soghuqqan jamaet erbiablirini, siyasiyonlarni, mutepekkurlarni, senetkarlarni we türlük jemiyetlerni bu qebih pozitsiyeler aldida soghuqqanliq we tinchliq teripide turushqa chaqirimiz. qilishqa tégishlik eng muhim ish؛ démokratiye, kishilik hoquq, qanunning üstünlüki we köp xilliq éngini, iriqchiliq we islam düshmenlikige aylinip qélishigha yol achqan zeherlik muhitning bir tereplimilik örnekliri bolushtin halqitip, dölet bashliqliri we bir qisim siyasiyonlarning wasitisi arqiliq qanuniy  tüske ige qilish we keng omumlashturushtur.»