türkiye firansiyege naraziliq bildürdi

türkiye awazi radiyosi xewiri: türkiye tashqi ishlar ministirliqi firansiyeni eyiblep bayanat élan qildi.

türkiye tashqi ishlar ministirliqining bayanatida, firansiye tashqi ishlar ministiri lé jiyanning «enqerediki bash elchisini muzakireler üchün parizhgha chaqirish qarari» ni élan qilghan waqitta, türkiye heqqide éytqan sözlirige naraziliq bildürüldi.

bayanatta mundaq déyildi:

«lé jiyan enqerediki bash elchisini muzakireler üchün parizhgha chaqirish qararini élan qilghanda, firansiye özi bashlighan we ulghaytqan jiddiychilikni izahlashqa tirishiwatqanliqini chüshiniwalghili bolidu. bayanatta tilgha élinghan mesililer, nahayiti epsuski, firansiyening weqelerge we ikki terep munasiwetlirige dawamliq bir tereplimilik bilen özini merkez qilip qarawatqanliqini körsitip béridu.»

firansiye pirézidénti makronning we firansiye taratqulirining uzun waqittin buyan türkiye jumhur reisi rejep tayyip erdoghanni, shundaqla türkiyeni nishan qilghanliqigha inkas qayturulmighanliqi xatirilitilgen bayanatta: «musulmanlarni renjitidighan hejiwiy resimlerning ‹pikir erkinliki› nami astida dölet binalirigha ésilishigha inkas qayturulmaywatidu. emeliyet tilgha élinghan waqitta, gherbning her daimkige oxshash qosh ölchimi bilen ‹pikir erkinliki› yoq hésbliniwatidu» déyildi.  

bayanatta, türkiyening her xil térrorluq we zorawanliqlargha qarshi küresh qilghan bir dölet bolush süpitide, bu weqelerning barliq ziyankeshlikke uchrighuchilirigha oxshash, oqutquchi samuél patty (Samuel Patty) jinayitidinmu chongqur qayghurghanliqi eskertildi we mundaq déyildi:

«firansiyediki dölitimizning eng yuqiri derijidiki wekili bolghan bash elchimizge qayghumiz yetküzüldi. türkiye térrorluqqa qarshi til, din, pikir qilish we irq ayrimichiliqi qilmaydu. shundaq turup, yillardin buyan térrorluq teshkilati p k k shéhit qilghan oqutquchilirimiz heqqide bir qétimmu bayanat élan qilmighan firansiyening bügünki bundaq pozitsiyesini chüshengili bolmaydu.»

firansiyede muhemmed eleyhissalamgha haqaret qilinghan hejiwiy resimlerni neshr qilish we pirézidént makronning bularni cheklimeydighanliqlirini élan qilishi naraziliq qozghighan idi.

türkiye jumhur reisi rejep tayyip erdoghan makronning bayanatigha inkas qayturup: «dölitidiki milyonlarche oxshimighan dindiki kishilerge mushundaq muamile qilghan pirézidéntqa néme dégili bolidu, u eqlini tekshürtüp baqsun» dégen idi.

élsiy sariyining buninggha qarshi élan qilghan bayanatida, jumhur reis rejep tayyip erdoghanning pirézidént makron heqqide éytqan sözlirini qobul qilghili bolmaydighanliqi tekitlinip, firansiyening enqerediki bash elchisini muzakireler üchün parizhgha chaqirilghanliqi qeyt qilinghan idi.

pelestin, kuweyt, pakistan, liwiye we liwan qatarliq döletlerde, firansiye we makrongha qarshi naraziliqlar dawam qilmaqta.