t r t yéngi tarqitish peslide yéngi tarixiy yürüshlük filimlerni sunidu
türkiye radiyo-téléwiziye idarisi (TRT) mudiriyitining bashliqi we bash mudir ibrahim eren, bu peslide peqetla körülidighan emes belki iz qalduridighan qilimler bilen tamashibinlarning huzurigha chiqidighanliqlirini bildürdi.
türkiye awazi radiyosi xewiri: t r t bash mudiri ibrahim eren anadolu agéntliqi muxbirigha bergen bayanatida, yéngi tarqitish mezgili üstide toxtaldi we tamashibinlar bilen yüz körüshidighan filimler heqqide melumat berdi.
ibrahim eren kowid-19 yuqumi mezgilide tamashibinlar we anglighuchilar üchün yéngi mezmunlarni yaritip, yéngi tarqitish mezgilide özlirining némilerni qilalaydighanliqini pilanlighanliqini tilgha élip: «TRT bu mezgilde körülüpla qalmastin, belki iz qalduridighan eserler bilen kélidu» dédi.
ibrahim eren yene mundaq dédi:
«bu yéngi pesilde tamashibinlirimiz kütken we séghinghan tarixiy yürüshlük filimlirimizni sunimiz, TRT da tarixi yürüshlük filimlerning nurghun tamashibinliri we kütken arzuliri bar. biz yürüshlük filimler bilen yéngi peslige qedem qoyimiz. uzundin buyan teyyarliniwatqan yürüshlük filimlirimiz, hemkarliship kéliwatqan hörmetlik artislirimiz, oqutquchilirimiz we rézhissorlirimiz bar. bu qilimlerning tunjisi «oyghinish؛ büyük seljuqiylar» bolidu. bu yürüshlük qilimde, bügünge qeder «tirilish ertughrul» bilen hasil qilghan tamashibinlardin téximu köp tamashibin qolgha keltürgendin bashqa yene, büyük seljuqylar sariyini we seljuqiylar yaratqan medeniyetni chüshendüridighan muhim eser bolidu.»
yanwarda «barbaros» namliq yürüshlük filimining tarqitilidighanliqini bildürgen ibrahim eren sözini dawamlashturüp mundaq dédi:
«bizning déngizchiliq hékayimiz yéngi emes. yüzligen yilliq tarixqa ige. barbaros heyrettin pasha we oruch reismu filimdiki eng muhim pérsonazhlarning biri. her ikki pérsonazhimiz aqdéngiz bir türk kölige aylanghan dewrning bash qehrimanliridur. ‹barbaros› namliq yürüshlük filim bilen künimizge parallél halda ‹mawi weten› ge oxshap kétidighan shekilde, eyni dewrdiki öz qehrimanlirimizni köridighan muhim filim bolidu.»
