türkiye, amérika xelqara diniy erkinlik komitétigha qattiq naraziliq bildürdi

türkiye awazi radiyosi xewiri: tashqi ishlar ministirliqi bayanatchisi hami aqsoy, «amérika xelqara diniy erkinlik komitétining dölitimizning iraqta makan tutqan térrorluq teshkilati p k k gha qarshi «burkut penchisi» we «yolwas penchisi» heriketlirige qarita élan qilghan bayanati, bu komitétning yéngi bir tutruqsiz bayani boldi» dédi.

hami aqsoy, amérika teripidinmu «térrorluq teshkilati» dep étirap qilinidighan p k k ning iraqta we quyruqchiliri bolghan PYD / YPG ning  süriyede bölgünchilik siyasitini we térrorluq usullirini qollimighan kurdlargha  shundaqla bashqa rayon xelqigimu qiliwatqan zulumlirini diniy erkinlikni qoghdashni ilgiri süriwatqan bu organning körmeske séliwatqanliqini tekitlep, «dölitimizning térorluqqa qarshi kürishini tenqid qilishi we PKK ning tetür teshwiqatigha waste bolup bérishi, eng addiylashturup éytqanda, tolimu nomussizliqtur » dédi.

hami aqsoy, «daéshqa qarshi küreshni suyiéstémal qilip, sinjargha orunlashqan PKK ning bésimi sewebidin on minglarche ezidiyning öy – makanlirigha qaytip kélelmigenliki, qaytip kelgenlerning bolsa, térorluq teshkilatining zulmigha uchrighanliqi, bügünki künde ezidiyler we yerlik mesullar teripidinmu küntertipke élip kélingen bir heqiqettur.  aramiylermu sistémiliq  shekilde bu térorluq teshkilati teripidin zulumgha uchrimaqta. mektepliri térorluq teshkilati teripidin taqiwétilmekte. perzentliri mejburiy halda qorallandurulmaqta we aililiridin ayriwétilmekte. epsuski, atalmish ​​kishilik hoquqni qoghdighuchilar hazirgha qeder rayonda yüz bériwatqan bu heqiqetlerni körmeske we anglimasqa salmaqta. ehwal shundaq turughluq, bu organning pakitlarni burmilash arqiliq térorluq teshkilatining dumbaqchiliqini qilishini hergiz qobul qilmaymiz» dédi.