faxrettin altun amérikani maliman qiliwatqan kommunist <Antifa>  teshkilati heqqide toxtaldi

türkiye awazi radiyosi xewiri: jumhur reislik uchur - alaqe ishliri idarisi bashliqi  faxrettin altun esli afriqiliq amérika puqrasi jorj floyidning ölümi bilen bashlanghan namayishtin kéyin, amérika prézidénti donald trampmu «térrorluq teshkilati» dep tizimgha kirgüzüshni pilanlighanliqini éytqan «Antifa» ning heqiqiy epti - beshirisini körgenlikini éytti.  

faxrettin altun tiwittér hésabida, «Antifa» ning pütün amérika miqyasida zorawanliq xaraktérliq namayishlargha qatnashqanliqini bildürüp sinliq uchur hembehirleshti.

faxrettin altun hembehirleshken uchurida, «süriyediki térorluq guruppiliri bilen hemkarlashqan halda dunya miqyasida zorawanliq xaraktérliq hujumlar bilen shughullanghan  <Antifa> ning heqiqiy epti - beshirisini körduq» dédi

widéoda <Antifa> ning bölgünchi térorluq teshkilati PKK / YPG  bilen bolghan munasiwiti» chüshendürüldi.

widéoda <Antifa> ning tinchliq asasidiki namayishlardin nep undurush üchün qalaymiqanchiliq chiqarghanliqi tekitlinip,  türkiyening «radikal solchi» we «anarxéstlar» dep bilinidighan kommunist <Antifa> ning  shimaliy atlantik ehdi teshkilati ittipaqdishi amérikada, buzghunchiliq herikiti qilghanliqidin shundaqla türkiyening dölet bixeterlikige tehdid séliwatqan térorluq teshkilatliri bilen ich qoyan munasiwiti barliqidin qattiq endishe qiliwatqanliqi bildürdi.

kommunist <Antifa> ning PKK bilen oxshash idiologiyege ige ikenliki chüshendülgen sinda yene, PKK ning süriyediki quyruqchisi bolghan YPG ning nurghunlighan <Antifa>  ezalirini terbiylep bergenliki uqturuldi.