erdoghan: türkiye jumhuriyiti birlik, barawerlik, qérindashliq we hemkarliq üstige qurulghan

türkiye awazi radiyosi xewiri: erdoghan «23 – aprél milliy igilik hoquq we balilar bayrimi» we «türkiye büyük millet mejlisi qurulghanliqining 100 – yilliqi» munasiwiti bilen xelqqe qilghan xitabida  mundaq dédi: «jumhuriyitimizning qurghuchisi ghazi mustapa kamal atatürk we barliq shéhit hem ghazilirimizni cheksiz iptixarliq we minnetdarliq tuyghusi ichide menggü yad étimiz. buningdin bir esir ilgiri paytext enqerede qurulghan türkiye büyük millet mejlisimiz, wetimiz ishghal qilinghan bir dewrde xelqimiz hem dölitimizning erkinlik kürishining merkizi bolghandur. türkiye jumhuriyiti döliti barawerlik, qérindashliq we hemkarliq éngi üstige qurulghandur. 23 – aprél küni démokratiyening, milliy küreshning, xelqning igilik hoquqining eng muhim simwolidur. derweqe, 23 – aprél küni türkiye xelqining ewlatlirigha qanchilik derijide ehmiyet béridighanliqining, yashlirigha ishinidighanliqining eng roshen namayendisidur. shuni alahide tekitlep ötimenki, türkiye xelqi we pütkül islam dunyasi bügün kéche tunji terawih namizini oqup, roza tutidu. pütkül islam dunyasining mubarek ramizan éyini qizghin tebrikleymen.»

yene bir tereptin, «wuxen wirusi» gha qarshi küresh tedbirlirige asasen, bu yilqi murasimsiz tebriklesh paaliyetliri dairiside, pütkül türkiye xelqi enqere waqti saet 21 de öylirining balkonlirida chiqip, cheksiz hayajan ilkide «istiqlal marshi» ni oqudi. jumhur reis erdoghan buninggha barliq téléwiziye qanallirining ortaq neq meydandin tarqitish pirogrammisida, yénidiki bir guruppa ösmür bilen birlikte jür boldi.