engliye, ukraina we iraqtin yüzlerche kishi qayturup kélindi
türkiye engliye, ukraina we iraqtin 700 ge yéqin ademni qayturup kélip, türkiyening herqaysi jayliridiki oqughuchilar yataqlirigha orunlashturdi.
türkiye awazi radiyosi xewiri: wuxen wirusi (kowid – 19) din qoghdinish tedbirliri dairiside türkiye puqrasi 262 kishi engliyening paytexti londondin ayropilan bilen enqere esenbogha ayrodurumigha élip kélindi.
engliyedin élip kélingen türkiye puqraliri salametlik tekshürüshidin ötküzülgendin kéyin aptobuslar sélinip chanqiridiki bir oqughuchilar yatiqigha orunlashturuldi.
142 neper türkiye puqrasini élip ukrainadin qozghalghan türk hawa yolliri shirkitining bir yoluchilar ayropilani trabzon ayrodurumigha qondi؛ ayropilandikiler salametlik tekshürüshidin ötküzülgendin kéyin rizediki bir oqughuchilar yataq binasigha orunlashturuldi.
iraqta ishchi bolup ishlewatqanlar we inzhénérlar bolup 271 kishi türkiye hawa yolliri shirkitining ayropilani bilen qeyserige élip kélindi.
chet eldin qayturup kélingenler 14 kün boyiche karantin qilinidu.
