erdoghan jalalidin rumi wapatining 746 yilliqi munasiwiti bilen télégramma tarqatti

türkiye awazi radiyosi xewiri: erdoghan mewlana jalalidin rumi wapatining 746 yilliqini xatirilesh munasiwiti bilen tarqatqan télégrammisida, büyük mutepekkur, sopi mewlana jalalidin rumini séghinish we hörmet ichide eslep, anadolu zéminlirida dunyagha kelgen, hékmet we ilimliri pütkül dunyagha tarqalghan, dunya mewjutla bolidiken, heq we heqiqet yoluchilirigha rehberlik qilidighan mewlananing, 746 yil ötüp ketken bolushigha qarimay, heqiqet ishqi we insan söygüsidiki semimiyiti, pikirliri we eserliri bilen milyonlarche insanni özige egeshtürüp kelgenlikini qeyt qildi.

mewlana jalalidin rumining xorasandin baghdadqiche, mekke – medinedin shamghiche bolghan ziyaret qilghan barliq ilim – érpan merkezliridin igiligen birikmisini anadolugha élip kelgenlikini xatirilitip ötken erdoghan, uning herbiri hékmet buliqi ornidiki sözliri arqiliq pütkül insaniyetni esirler boyiche nur bilen teminleydighan bir meshelni yaqqanliqini tekitlep ötti we sözini dawamlashturup, «bügün axirqi we ebediy wetinimiz süpitide mustehkem tutup turuwatqan bu zémingha, dillarni pethi qilip möhirimizning bésilishida, mewlananing we uning bilen oxshash bulaqtin uzuq alghan yunus emre, haji bayrami weli, haji bektash welige oxshash köngül sultanlirining büyük méhniti, töhpisi, izi bardur» dédi.

erdoghan, «bizni muhebbet bilen bir – birimizge baghlighan bu büyük mirastin alghan küchimiz arqiliq aldimizgha chiqqan barliq qiyinchiliq we tosuqlarni halqip, köngül sultanlirimizning amaniti bolghan sewr we küresh iradisi bilen, bügünimizdin parlaq, xatirjem we tinchliqqa tolghan etilerge, inshaallah, hemmimiz birlikte yétimiz» dégenlerni sözlirige ilawe qildi.