شىرناقتا 2 خەۋپسىزلىك خادىمى شېھىت بولدى
شىرناقتا پ ك ك تېررورچىلىرى تەرىپىدىن ئالدىن ئورۇنلاشتۇرۇلغان يەرلىك ئۇسۇلدىكى بىر پارتلاتقۇچ پارتلاپ، 2 خەۋپسىزلىك خادىمى شېھىت بولدى، 7 خەۋپسىزلىك خادىمى يارىلاندى.
تۈركىيە ئاۋازى رادىيوسى خەۋىرى: شىرناق ۋالىيلىق مەھكىمىسى بايانات بېرىپ، ئىدىل ناھىيەسى ژاندارما قوماندانلىقىنىڭ سارىكۆي يېزىسى چېگراسىدا پ ك ك تېررورلۇق تەشكىلاتى ئەزالىرى تەرىپىدىن كۆمۈلگەن يەرلىك ئۇسۇلدىكى پارتلاتقۇچنى ئېنىقلاپ چىققانلىقى، كەسپىي خادىملارنىڭ پارتلاتقۇچنى چۇۋۇش خىزمەتلىرى جەريانىدا پارتلاش يۈز بېرىپ، 2 خەۋپسىزلىك خادىمىنىڭ شېھىت بولغانلىقى، 7 نەپەر خەۋپسىزلىك خادىمىنىڭ يارىلانغانلىقىنى ئۇقتۇردى.
باياناتتا، تېررورىزمغا قارشى كۈرەش دائىرىسىدىكى زەربە بېرىش ھەرىكەتلىرىنىڭ قەتئىي ئىرادە بىلەن داۋاملاشتۇرۇلۇۋاتقانلىقى تەكىتلەندى.
مۇناسىۋەتلىك خەۋەرلەر
تۈركىيە بىرازىلىيەگە تەزىيە بىلدۈردى
تۈركىيە بىرازىلىيەدىكى كەلكۈن ئاپىتىدە ھاياتىدىن ئايرىلغانلار ئۈچۈن بىرازىلىيەگە تەزىيە بىلدۈردى
سۈرىيە ۋە ئىراقنىڭ شىمالىدا 17 تېررورچى بىر تەرەپ قىلىندى
ئىراق ۋە سۈرىيەنىڭ شىمالىدا بۆلگۈنچى تېررورلۇق تەشكىلاتى پ ك ك ئەزاسى 17 تېررورچى بىر تەرەپ قىلىندى.
