shentop xelqaraliq teshkilatlarning dunya tinchliqini qoghdashtin yiraqta ikenlikini bildürdi
türkiye büyük millet mejlisi bashliqi mustafa shentop xelqaraliq teshkilatlarning dunyada tinchliqni saqlash wezipisini orundashtin tolimu yiraqta ikenlikini éytti.
türkiye awazi radiyosi xewiri: türkiye büyük millet mejlisi bashliqi mustafa shentop yaponiye paytexti tokyoda ötküzülgen G20 dölet guruhi parlamént bashliqlirining, «izchilliqqa ige tereqqiyat meqsetlirige yétish we yer shari mesililirini hel qilish tirishchanliqliri» témiliq yighinda söz qildi.
u uzungha sozulghan tirishchanliqlar netijiside ornitilghan méxanizmlar we organlarning waqit ötkenséri qurulush meqsetliridin yiraqlashqanliqini؛ bu nuqtida xelqaraliq jemiyet we teshkilatlarning mewjut bolush sewebliri hemde mewjut bolush meqsetlirini qaytidin közdin kechürüshining zörür ikenlkini alahide tekitlidi. u mundaq dédi:
«nahayiti epsuski, künimizde xelqaraliq teshkilatlarning hemmisi dégüdek, bolupmu b d t qurulush meqsetlirining biri bolghan dunyada tinchliqni saqlash wezipisini orundashtin tolimu yiraqta.»
u türkiye jumhur reisi rejep tayyip erdoghanning bu ehwalgha qarita «dunya beshtin chong» dep naraziliq bildürgenlikini qeyt qildi.
u: «bu naraziliq, bolupmu yéngi dunya tertipining barliq yüki zimmisige yüklengen b d t da eks sada peyda qildi. emdi bezi döletler peqet heq-hoquqqila, bezi döletler bolsa, mesuliyet we jawabkarliqqila ige bolghan dunya yoq, hem bolmaydu. buning oxshimaydighanliqini bilishimiz lazim. barliq döletlerning heq-hoquqliri bar, shundaqla mesuliyetlirimu bar» dédi.
مۇناسىۋەتلىك خەۋەرلەر
iraqning shimalida térrorchilargha ejellik zerbe bérildi
iraqning shimalida bölgünchi térrorluq teshkilati p k k/y p g ezasi 4 térrorchi bir terep qilindi.