erdoghan niyu yorkta uchrishishlirini bashlidi
türkiye jumhur reisi rejep tayyip erdoghan fethullahchi térrorluq teshkilatining heqiqiy yüzini pütkül dunyagha körsitish üchün qetiy iradige ige ikenliklirini bildürdi.
türkiye awazi radiyosi xewiri: jumhur reis rejep tayyip erdoghan b d t omumiy kéngishi yighinigha qatnishish üchün amérikaning niyu york shehirige yétip bardi we uchrishishlirini bashlidi. u sherq-gherb instituti teripidin ötküzülgen yumilaq üstel yighinigha qatnashti.
u türkiye-amérika dölet yéteklesh komitétining paaliyitide, amérikadiki türk, qérindash we musulman xelqlerge xitab qildi. u 2016-yili 15-iyuldiki herbiy-siyasiy özgirish qozghashqa urunghan fethullahchi térrorluq teshkilatigha munasiwetlik élip bériliwatqan heriketler üstide toxtilip: «fethullahchi térrorluq teshkilati kattibéshining qayturup bérilishi üchün we amérikadiki barliq paaliyetlirining axirlishishi üchün kéreklik xizmetlerni ishliduq, bu xizmetlirimizni dawamlashturimiz. silerning sayenglarda bu térrorluq teshkilatining maskisini éliwétimiz» dédi.
u amérikada yashawatqan musulmanlargha xitab qilip, daésh we fethullahchi térrorluq teshkilatigha oxshash teshkilatlarning impériyalistlarning qolchumaqchisi boluwatqanliqini qeyt qildi. u mundaq dédi:
«menpeetliri üchün rayonimizni ot déngizigha aylandurghanlarning menpeetini qoghdash bedilige, térrorluq teshkilatlirini yük aptomobilliri bilen qoral-yaragh teminligenlerning musulmanlarning tökülgen her bir tamche qénida qoli barliqini nahayiti yaxshi bilimiz.»
u amérikada türkiyelik oqughuchilargha maarip saheside xizmet qiliwatqan turken (TURKEN) wexpisigimu xitab qilip: «15-iyul kéchisi öz xelqige bomba yaghdurghan mangqurtlargha oxshash, eqlinglarni we qelbinglarni bashqilargha tartquzup qoymanglar» dédi.
u türkiyening barliq yashlarni qollaydighanliqini tekitlidi.