türkiyening erbildiki konsolxana xadimigha hujum qilghuchilardin birsining kimliki élan qilindi

türkiye awazi radiyosi xewiri: shimaliy iraq kord rayonluq hökümiti saqchi idarisi erbildiki hujumgha qatnasquchilardin yene birsining siyako baqi abdulkerim ikenlikini bildürdi we resimini élan qildi.

saqchi idarisining bayanatida, abdulkerim heqqide melumatqa ige kishilerning saqchilargha xewer qilishi kéreklikige dair chaqiriq élan qilindi.

shimaliy iraq kord rayonluq hökümiti saqchi idarisi tünügün erbilde türkiye konsolxanisi xadimi shéhit qilinghan hujumning bash jinayetchisi mezlum dagh qatarliq 6 kishining nazaretke élinghanliqini we hujum qilish buyruqining térrorluq teshkilati p k k teripidin bérilgenlikini élan qilghan idi.

erbilde 17 – iyul küni bir ristoranda yüz bergen qoralliq hujumda türkiyening erbilde turushluq bir neper konsolxana xadimi shéht bolghan we 2 iraq puqrasimu hayatidin ayrilghan idi.