sulayman soylu chet ellik panahlanghuchilarning dölettin qoghlap chiqirilish mesilisi üstide toxtaldi
ichki ishlar ministiri sulayman soylu istanbulda ruyxetke élinmighan suriyeliklerning ruyxetke élinghan sheherlerge ewetilidighanliqini éytti.
türkiye awazi radiyosi xewiri: ichki ishlar ministiri sulayman soylu bir xususiy téléwiziye qanilining pirogrammisigha qatniship, köchmenler siyasiti heqqide melumat berdi.
sulayman soylu bu yil 163 ming qanunsiz köchmenni nazaretke alghanliqini we bulardin 43 ming kishining öz döletlirige qaytuwétilgenlikini bildürdi.
qanunsiz köchmenlerning qayuruwitilishi dairiside istanbulda bu yil 6122 neper qanunsiz köchmenning nazaretke élinghanliqini bildürüp, bulardin 2691 kishining afghanistanliq, 1619 kishining pakistanliq ikenlikini we 1000 gha yéqin kishining suriyelik ikenlikini éytti.
istanbulda turiwatqan panahlanghuchilar arisida 547 ming kishi süriyelik bolup, jemiy 1 milyon 69 ming köchmenning ruyxetke élinghanliqini we bu suriyeliklerning waqitliq qoghdash dairiside ikenlikini bildürgen sulayman soylu, waqitliq qoghdash dairisidiki süriyeliklerni chégradin qoghlap chiqiridighan ish yoqluqini tekitlidi.
sulayman soylu waqitliq qoghdash dairisidiki süriyelikler eger ruyxetke élinmighan bolsa, panahlanghuchilar lagirigha eewtilidighanliqini, ruyxetke élinghanlarni bolsa, qaysi wilayette ruyxetke élinghan bolsa, shu wilayetke yollaydighanliqini tekitlep, hazir panahlanghuchilar lagérida 100 ming kishi barliqini qeyt qildi.
