türkiye moldowanning quddus qararigha naraziliq bildürdi

türkiye awazi radiyosi xewiri: türkiye tashqi ishlar ministirliqi moldowaning tél awiwdiki elchixanisini quddusqa yötkesh qarari üstide bayanat élan qildi. bayanatta mundaq déyildi:

«moldowaning isirailiyediki elchixanisining quddusqa yötkilidighanliqi toghrisidiki xewerlerdin chongqur qayghurmaqtimiz. pelestin mesilisining adil we uzun muddetlik hel qilinishi nuqtisidin éytqanda, achquchluq ehmiyetke ige quddusning salahiyiti mesilisining, ichki siyaset chüshenchiliri bilen xelqaraliq qanun ixtilapi üchün süyiistémal qilinishidin intayin ejeplenmektimiz.»

bayanatta, xelqaraliq jemiyetning barliq ezaliri, quddus toghrisida qobul qilinghan b d t qararlirigha riaye qilishqa, quddusning tarixiy we qanuniy salahiyitige hörmet qilishqa we rayonning muqimliqini xeterge ittiridighan mesuliyetsiz heriketlerdin yiraq turushqa chaqirildi.

moldowa bash ministiri pawél filip (Pavel Filip) seyshenbe küni (11-iyun) tél awiwdiki moldowa elchixanisini quddusqa yötkeshni qarar qilghanliqlirini élan qilghan idi.

pelestin tashqi ishlar ministirliqi bu heqte bayanat élan qilip, moldowaning elchixana yötkesh qararini eyibligen idi.

islam hemkarliq teshkilati moldowaning tél awiwdiki elchixanisini quddusqa yötkesh qararini eyibligen we bu qarardin waz kéchishni chaqiriq qilghan idi.