erdoghan musulmanlarning qedir kéchisini tebriklidi

türkiye awazi radiyosi xewiri: jumhur reis rejep tayyip erdoghan, türkiyening muqimliq, tinchliq, démokratiye, puqralarning birlik we barawerliki qatarliq jehetlerde örnek bolalaydighan sewiyede ikenlikini éytti.

jumhur reis erdoghan istanbul esenler dörtyol meydanida qedir kéchisi munasiwiti  bilen ötküzülgen pirogrammigha ishtirak qildi.

pirogrammigha qatnashqanlarning qedir kéchisini tebrikligen jumhur reis erdoghan:türkiye we dunyaning her qaysi jaylirida ramizanni idrak qilish sheripige nail bolghan barliq qérindashlirimgha chongqur salam yollaymen, süriyede bombilarning astida iptar qiliwatqan qérindashlirimiz, yemende bir parche nangha zar boliwatqan balilar, afghanistan, pakistan, iraq, liwiyediki toqunushlarning kölenggiside roza tutushqa mejbur boliwatqan mezlumlar, 70yildin buyan weten hijranida yürgen pelestinlik musapirlargha dua qilimiz we salam yollaymiz.»

jumhur reis rejep tayyip erdoghan, ramizan éyining rohigha asasen yashashning muhimliqini eskertip, yéngikapi meydanida türkiye diyanet weqpisi teripidin uyushturulghan pirogramma dairiside 313ming kishi bilen terawih namizi qilishning pilanliwatqanliqini éytti.

jumhur reis rejep tayyip erdoghan, musulmanlarning éghir künlerni bashtin kechürüwatqanliqini éytip, dunya miqiyasida musulmanlarning qéni töküliwatqanliqini, musulmanlarning zulum we qetliamlargha duch kéliwatqanliqini bildürdi.

jumhur reis erdoghan, dunyada  éghir pajieler yüz bériwatqan bolsimu, lékin türkiyede tinchliq, amanliq, ittipaqliq, erkinlik we barawerlik qatarliqlarning höküm sürüwatqanliqini alahide tekitlep ötti.