akar: penje herikitining meqsiti térrorluqni pütünley yoqitish
türkiye dölet mudapie ministiri hulusi akar penje herbiy herikitining meqsitining, türkiyege shimaliy iraqtin kélidighan térrorluq tehditini pütünley yoqitish ikenlikini bildürdi.
türkiye awazi radiyosi xewiri: dölet mudapie ministiri hulusi akar armiye qomandanliq ishtabi bashliqi yashar güler we hawa armiye qomandani hasan küchükakyüz bilen tekshürüp, tetqiq qilish üchün adanagha bardi we 27-may bölgünchi térrorluq teshkilatigha qarshi bashlanghan penje herbiy herikiti toghrisida bayanat élan qildi.
u: «bu heriket bilen, mehmetchikler kirmigen térroristlarning öngkürliri we uwiliri qalmaydu, ular pütünley yoqitilidu. qandil, asos we bashqa yerlerde bayqalghan térrorluq nuqtiliri tunji qétim yerlik we milliy qorallar bilen bitchit qilinmaqta» dédi.
u süriye idlib rayonining nöwettiki weziyiti üstidimu toxtaldi we mundaq dédi:
«idlibte tinchliq we muqimliqning baldurraq emelge éshishi we hökümran bolushi üchün rusiye bilen uchrishishlirimizni dawamlashturuwatimiz.»
