ibrahim kalin amérikaning afghanistan alahide wekili xalilzad bilen körüshti

türkiye awazi radiyosi xewiri: türkiye jumhur reislik sariyi bayanatchisi ibrahim kalin amérika tashqi ishlar ministirliqining afghanistan ishliri alahide wekili zalmay xalilzad bilen körüshti. körüshüshte, afghanistanning nöwettiki weziyiti, dawamlishiwatqan muzakireler musapisi, afghanistanning birliki we siyasiy muqimliq mesililiri muzakire qilindi.

körüshüshte yene, türkiyening afghanistanning dölet tinchliqi musapiside üstige alghan roli we qaytidin muqimliqni kapaletke ige qilishqa qoshqan töhpilirige yuqiri baha bérildi.

körüshüshte, türkiye bilen afghanistan otturisidiki chongqur tarixiy we medeniyet jehettiki rishtilerning, ikki dölet xelqining qedimki dostluqi we qérindashliqining afghanistanda uzun muddetlik tinchliqini we muqimliqini hemde ishench muhitini emelge ashurushtiki ehmiyitini tekitlidi.