erdoghan türkiyening kürtler bilen mesilisi bolup baqmighanliqini éytti

türkiye awazi radiyosi xewiri: jumhur reis rejep tayyip erdoghan amérika soda birleshmisi we türk-amérikan kéngishining ezalirini qobul qilip muhim söz qildi. u türk-amérikan munasiwetlirining barliq qiyinchiliqlardin, sinaqlardin we qarshiliq küch sinaqlardin muweppeqiyetlik halda ötüp ketkenlikini bildürüp: «türkiye bilen amérika otturisida ortaq menpeetlerge tayanghan, küchlük, keng dairilik we istratégiyelik ittipaqdashliq munasiwiti bar. munasiwetlirimizde pat-pat pikir oxshimasliqliri tüpeylidin kélip chiqqan dolqunsiman özgirishler körülüp tursimu, shériklik munasiwitimiz zor qiyinchiliqlar üstidin ghelibe qildi» dédi.

u türkiyening süriyede amérika qisimliri chékingen jaylarda térroluqqa qarshi küresh mesuliyitini üstige élishqa teyyar ikenlikini eskertti. u mundaq dédi:

«térrorluq teshkilati daéshni yoqitimiz déduq, biraq bu ish p y d|p k k bilen élip bérildi. buning bedilining yillardin kéyin körülidighanliqi toghrisida agahlandurimen.»

u türkiyening özige, rayonigha we dunyagha tehdit peyda qilghan barliq térrorluq teshkilatlirigha qarshi qetiy küresh qilish iradisining barliqini tekitlep, mundaq dédi:

«daésh térrorluq teshkilatini, bashqa qoli qangha boyalghan térrorluq teshkilatining ornigha qoyushqa urunuwatqan amérikaning sabiq hökümet terkibidiki bezi qatlamlar, bashtin tartip dölitimiz heqqide tetür teshwiqat qiliwatidu. p k k|p y d térrorluq teshkilatini yerlik xelq bilen bir körüsh kürt qérindashlirimizgha qilinghan eng chong haqaret hésabilinidu. hazir daéshning hujumliridin, p k k|p y d zulumidin qachqan kürt qérindashlirimiz türkiyedila panahliniwatidu.»

u amérikaning süriyede bölgünchi térrorluq teshkilati p k k|p y d gha qoral yardimi qilghanliqini tenqid qilip: «amérika hazirmu bularni térrorluq teshkilati dep qobul qilalmidi. bizning qiyinchiliqimiz del mushu yerde» dédi.

u süriyede bixeter rayonlarda musapirlar üchün «kantéyniz sheherler» qurushni chaqiriq qildi.